Ադրբեջանական Trend լրատվական գործակալության փոխանցմամբ՝ Վրաստանի նախագահին կից Համաներման հանձնաժողովը Միխեիլ Սաակաշվիլիին խորհուրդ է տվել համաներել 170 դատապարտյալի:
Հանձնաժողովի նիստի ավարտի ժամանակ Վրաստանի ժողովրդական պաշտպան Գիորգի Տուգուշին հայտարարել է, որ իրենք դիտարկել են 417 մարդու համաներման հայցը և որոշել են բավարարել նրանցից միայն 170-ին: Բացի այդ, հանձնաժողովը որոշել է կիսով չափ կրճատել 30 դատապարտյալի պատժաժամկետը:
Տուգուշին հավելել է, որ Սաակաշվիլին համաներման հարցը կդիտարկի առաջիկա օրերին և համաներման մասին կհայտարարի ապրիլի 15-ին, երբ Վրաստանում նշում են Զատիկը:
Հիշեցնենք, որ ավելի վաղ համաներման խնդրանքով Համաներման հանձնաժողովին էին դիմել 416 դատապարտյալներ, որոնցից 76-ը կանայք էին, իսկ 9-ը՝ անչափահասներ: Հանձնաժողովի ղեկավար Ելենա Թևդորաձեն ընդգծել էր, որ իրենք չեն պատրաստվում համաներում շնորհել ծանր հանցագործություններ գործած անձանց:
