Ֆրանսիացի դերասան Ժերար Դեպարդիեն դարձել է ղրիմյան խաղողի այգիների սեփականատեր: Ներկայում հայտնի դերասանը, ինչպես գրում է «Այսօր» թերթը, Բախչիսարայի շրջանի Ուգլովոյե գյուղում գինու արտադրության հիմք է դնում:
Հրատարակությունը հիշեցնեւմ է, որ 2005թ. Դեպարդիեն մտադրվել էր Ղրիմի հարավային ափին պետական գույք գնել, սակայն նրան մերժեցին` առաջակելով հողը վարձակակել, ինչն իր հերթին չէր բավարարում դերասանին:
Արդյունքում Դեպարդիեն գնել է հողատարածքներ ու ներկայում վերանորոգում է տեղական գինեգործարանը: Այս մասին տեղեկությունը հաստատել է Ուգլովոյեի գյուղխորհրդի քարտուղար Օքսանա Շվեցը:
«Այո՛, դա այդպես է: Նրա տնտեսությունը գտնվում է մեր բնակավայրում, այնտեղ անվտանգությունն ապահովված է ու աճեցվում են խաղողի էլիտար տեսակներ»,- ասել է պաշտոնյան:
Ընդ որում` հայտնի չէ, թե ով է խաղողի նախկին սեփականատերը ու որքան տարածություն է այն ընդգրկում:
Ավելի վաղ Դեպարդիեն բազմիս այցել է Ուկրաինա, այդ թվում` Ղրիմ, որտեղ բարձրաձայնել է գինեգործությամբ զբաղվելու իր ցանկության մասին:
