Սիրիայի կառավարական ուժերը Զաբադանիում ընդդիմության ցույցը ցրելիս կրակ են բացել ընդդիմադիրների վրա: Նրանց փորձում են դիմակայել ընդդիմադիր զինվորները: Վերջինների պնդմամբ՝ իրենք խաղաղ բնակիչներին պաշտպանում են զորքերից:
Ինչպես հաղորդում է RIA Novosti-ն, բանակի զինվորների և ապստամբների միջև փոխհրաձգությունը սկսվել է այն բանից հետո, երբ մի քանի տասնյակ մարդ դուրս են եկել փողոց՝ հակակառավարական կարգախոսներ բացականչելով: Նրանք երկրի նախագահից պահանջել են քաղաքներից դուրս բերել զորքերը և հրաժարական տալ:
Կառավարական զորքերը Զաբադանին գրավել են մոտ 2 ամիս առաջ, բայց մինչ այժմ չի հաջողվել ամբողջությամբ ազատել քաղաքն ապստամբներից:
Հիշեցնենք. Սիրիայում ավելի քան մեկ տարի շարունակվում են զինված բախումները ընդդիմության և իշխանության միջև: Այդ ընթացքում, ՄԱԿ-ի վերջին տվյալներով, զոհվել է ավելի քան 9000 մարդ:
