Պենտագոնը չունի «սթելս» տեխնոլոգիայի կիրառմամբ բավական քանակի կործանիչներ և ռմբակոծիչներ՝ Չինաստանի և Կորեայի Ժողովրդադեմոկրատական Հանրապետությանն արդյունավետ հարվածներ հասցնելու համար: Այս մասին իր վերջին համարում գրում է ամերիկյան Дифенс ньюс շաբաթաթերթը:
Վաշինգտոնի հեղինակավոր հետազոտական կենտրոններից մեկի զեկույցում նշվում է, որ ամերիկյան միայն F-22 185 կործանիչ-ռմբակոծիչները և B-2 20 ռազմավարական ռմբակոծիչները կարող են հաղթահարել Չինաստանի և Կորեայի հակաօդային պաշտպանության ժամանակակից համակարգերը: «Սթելս» տեխնոլոգիան դրանք քիչ նկատելի է դարձնում հակառակորդի ռադարների համար: «Միայն այս խիստ սահմանափակ թվով «անտեսանելի» ինքնաթիռները կարող են մասնակցել օդային հարձակման առաջին ալիքին»,- նշում են հեղինակները:
Նրանց խոսքերով՝ B-2–ն արդեն ավելի քան 10 տարի է՝ չի արտադրվում, և ռազմական կորուստների դեպքում դրանց փոխարինել չի լինի:
Համաձայն նրանց գնահատականների` ցանկացած օդային արշավ կպահանջի տարբեր նպատակներով բազմաթիվ հարվածներ `միջին հաշվով 30 հազար: Նման քանակով թանկարժեք թևավոր հրթիռներ ԱՄՆ–ը չունի:
Զեկույցում նշվում են առաջարկություններ՝ ուղղված Բարաք Օբամայի վարչակազմին և Կոնգրեսին, այն է՝ ավելացնել F-35 կործանիչ-ռմբակոծիչների, հաջորդ սերնդի ռազմավարական ռմբակոծիչի և բազմանպատակային անօդաչու սարքերի ստեղծման ֆինանսավորումը: