Մալիում ապստամբություն բարձրացրած տուրեգներն իրենց տրամադրության տակ քիչ միջոցներ ունեն և մտավախություն ունեն, որ Սահել շրջանում կարող են ակտիվանալ «Ալ-Քաիդան իսլամական Մաղրիբի երկրներում» կազմակերպության ահաբեկիչները, որոնք հսկայական միջոցներ ունեն իրենց տրամադրության տակ՝ ի հաշիվ առևանգումների հետևանքով ստացած փրկագների: Այս մասին հայտարարել է «Ազավադի ազատագրության ազգային շարժման» (ԱԱԱՇ) մամուլի քարտուղար Համա Սիդ Ահմեդը:
Մալիում մարտի 22-ին տեղի ունեցած ռազմական հեղաշրջումից հետո երկրի հյուսիսում ակտիվացել է տուրեգների ապստամբական շարժումը: Այժմ տուրեգներն իրենց հսկողության տակ են վերցրել Ազավադ շրջանի խոշորագույն՝ Տիմբուկտու, Գաո և Կիդալ քաղաքները:
Ինչպես հաղորդում է RIA Novosti-ն, մամուլի քարտուղարի խոսքերով՝ ԱԱԱՇ-ն ստեղծվել է անցյալ տարվա նոյեմբերի 15-ին և կազմված է հիմնականում բանակից փախած տուարեգներից, իշխնությունների դեմ պայքարող նախկին մարտիկ Իբրահիմ Բահանգայի կողմնակիցներից և արաբախոս, անգլախոս և ֆրանսախոս երիտասարդ տուարեգ մտավորականներից: Բացի այդ, իրենց շարքերում կան զինյալներ, որոնք 1990-ական թթ. գործել են Մալիում, իսկ հետո տեղափոխվել են Լիբիա:
Տուարեգները պնդում են, որ Մալիի իշխանությունները 1960-ական թթ. անկախություն ստանալուց հետո Ազավադի բնակչությանը ճակատագրի քմահաճույքին են թողել և խտրականություն են դրել նրանց միջև քաղաքական, սոցիալական և մշակութային մակարդակներով:
«Մենք Բամակոյի վրա հավակնություններ չունենք: Մեր նպատակը բացառապես Ազավադի տարածքն է: Մենք կմնանք մեր սահմաններում, կշարունակենք վերահսկել Կիդալ, Գաո և Տիմբուկու շրջաները»,- ասել է Սիդ Ահմեդը:
Նա հավաստիացրել է, որ ԱԱԱՇ-ն ոչ մի կապ չունի իսլամիստական «Անսար ադ-Դին» («Կրոնի պաշտպաններ») խմբավորման հետ, որի կազմի մեջ մի քանի տասնյակ տուրաեգներ են մտնում:
«Մենք առայժմ չգիտենք այդ խմբավորման իրական նպատակները: Մենք մտավախություն ունենք, որ այն կարող է կամրջակ դառնալ «Ալ-Քաիդան» իսլամական Մաղրիբի երկրներում» կազմակերպության համար, եթե մենք առաջիկա մի քանի շաբաթվա ընթացքում չվերադարձնենք վերահսկողությունը իրենց աջակցող տուրեգների վրա»,- ասել է նա:
Տուարեգների ներկայացուցիչը նշել է, որ իրենք պատրաստ են աջակցել երկրում կայունություն և խաղաղություն հաստատելու կոչերին, եթե միջազգային հանրությունը «հաշվի նստի Ազավադի ժողովրդի կամքի հետ»:
«Այսօր հրդեհը կարող է տարածվել ամբողջ տարածաշրջանում, և ահաբեկիչները կարող են իրավիճակից օգտվել, եթե միջազգային հանրությունը չպաշտպանի Ազավադի տարածքը ճանաչելու որոշումը»,- ասել է նա:
