Ինչպես «Առաջին լրատվական»-ը տեղեկացավ երեկ ժամը 13.00-ի սահմաններում էջմիածնում ինքնասպանություն գործած 29-ամյա երիտասարդի հարևաններից, նախաբազկի երակների կտրվածքներով հայտնաբերված տղան հոգեկան խնդիրներ է ունեցել և հատուկ սեր է տածել տեխնիկայի հանդեպ:
Հիշեցնենք, որ ապրիլի 3-ին ահազանգ էր ստացվել, թե Արմավիրի մարզում` Էջմիածնի Արագած զանգվածի թիվ 17 շենքի 62-րդ բնակարանից, ծուխ է դուրս գալիս:
Դեպքի վայր է մեկնել մեկ մարտական հաշվարկ: Պարզվել է, որ հրդեհ է բռնկվել Ա. Աբրահամյանին պատկանող բնակարանի պատշգամբում: Հրդեհը մեկուսացվել է ժամը 13.36-ին, մարվել՝ 13.54-ին: Այրվել է բնակարանի պատշգամբը գույքով` 10 քմ մակերեսով: Բնակարանում հայտնաբերվել է նույն տան բնակիչ, 1982 թ. ծնված Ա. Աբրահամյանը, որը հիվանդանոց տանելու ճանապարհին մահացել է:
