Ռուսական ВЗГЛЯД թերթի փոխանցմամբ՝ ԱՄՆ-ի իշխանությունները չունեն քաղաքական նախապատվություններ՝ կապված Վրաստանում այս տարի կայանալիք խորհրդարանական և հաջորդ տարի կայանալիք նախագահական ընտրությունների հետ: Այս մասին Բաթումում լրագրողների հետ ունեցած զրույցում հայտարարել է Վրաստանում ԱՄՆ դեսպան Ջոն Բասսը:
Վերջինիս խոսքերով՝ ԱՄՆ-ը Վրաստանում աջակցում է դեպի ժողովրդավարություն նրա ժողովրդի ձգտմանը. «Մենք չունենք ցանկալի կուսակցություն, ցանկալի թեկնածու, ցանկալի ընտրական արդյունք խորհրդարանական կամ նախագահական ընտրությունների ժամանակ:
Վրաստանի քաղաքացիներից է կախված, թե ով է ընտրվելու: Աշնանը կայանալիք խորհրդարանական ընտրություններում պետք է ընտրվի առավելագույն լեգիտիմ մարմին: ԱՄՆ-ը Վրաստանին կաջակցի նախընտրական ժամանակաշրջանում առավելագույն մրցունակ միջավայր ձևավորելու հարցում:
Պետք է ձևավորվի այնպիսի խորհրդարան, որը կարտացոլի հասարակական տարբեր կարծիքներ: Կարևոր է, որ հասարակության մեջ ամրագրվի հավատն առ ժողովրդավարական գործընթացները, ժողովրդավարական ինստիտուտները»:
