Sony Pictures ընկերությունն առաջարկել է ռեժիսոր Ռոլանդ Էմերիխին նկարահանել White House Down («Սպիտակ տունը հարվածի տակ է») ֆիլմը: Այս մասին հաղորդում է Deadline-ը:
Նոր ֆիլմը դրամա–մարտաֆիլմ ժանրի է: Ֆիլմում կպատմվի Վաշինգտոնում Սպիտակ տան գրավման մասին: Ենթադրվում է, որ այն ինչ-որ բանով նման կլինի «Ամուր ընկույզ»–ի սերիաներին:
White House Down–ի սցենարը գրել է Ջեյմս Վանդերբիլտը: Ավելի վաղ նա աշխատել է «Ամազոնի գանձերը», «Համաստեղություն», «Խավարը պատում է» ֆիլմերի վրա:
Բացի այդ, հենց Վանդերբիլտն է «Հիշել ամեն ինչ»–ի և «Սարդ մարդը» ֆիլմի նոր սերիայի սցենարի հեղինակը:
Նրա վերջին ռեժիսորական աշխատանքն այսօրվա դրությամբ 2011 թ. ստեղծված «Անանունն» է: Ֆիլմը պատմում է այն մասին, որ Շեքսպիրն իրականում չի եղել, իսկ նրա պիեսներն ուրիշն է գրել:
