Ռուսաստանի և ՆԱՏՕ-ի փորձագետները մարտի վերջին անցկացրել են ռազմական գործողությունների թատերաբեմի հակահրթիռային պաշտպանության (ՀՀՊ) համատեղ համակարգչային զորավարժություններ: Այս մասին երեկ հայտարարել է դաշինքի գլխավոր քարտուղար Անդերս Ֆոգ Ռասմուսենը:
«Համակարգչային զորավարժությունները տեղի են ունեցել Գերմանիայում: Մենք չենք արձակել հրթիռներ: Զորավարժություններն անցկացվել են պայմանական սցենարի համաձայն, սակայն եղել են չափազանց օգտակար և թույլ են տվել մշակել Եվրոպայի հակահրթիռային պաշտպանության մի շարք մոտեցումներ»,- հայտարարել է Ռասմուսենը:
Նրա խոսքով` դրանց մասնակցել են շուրջ 60 փորձագետներ Ռուսաստանից և ՆԱՏՕ-ի անդամ-երկրներից:
Ինչպես հայտնում է ITAR-TASS գործակալությունը, այդ զորավարժությունները տեղի են ունեցել մարտի 26-30-ը:
Ռազմական գործողությունների թատերաբեմի ՀՀՊ համատեղ զորավարժություններ անցնացնեու նախագիծը մշակված է Ռուսաստան-ՆԱՏՕ-ի համագործակցության շրջանակում` ավելի վաղ, քան հայտնվել է ԵվրոՀՀՊ-ն:
Զորավարժություններ անցկացնելու որոշումը կայացվել է Լիսաբոնում 2010 թ. նոյեմբերին Ռուսաստան-ՆԱՏՕ գագաթնաժողովի շրջանակում:
