Թուրքական Hürriyet թերթի փոխանցմամբ՝ Թուրքիայի կառավարության աղետների և արտակարգ իրավիճակների ղեկավարման վարչությունը (AFAD) ներկայացրել է վերջին 5 ամիսներին Վանի նահանգում գրանցված երկրաշարժերի վիճակագրությունը:
Նշվում է, որ նախորդ տարվա հոկտեմբերի 23-ից ցայժմ Վանի նահանգում գրանցվել է 9367 երկրաշարժ, որոնք ունեցել են 1.5-5.8 մագնիտուդ ուժգնություն: Հաշվետու ժամանակահատվածում Վանի նահանգում գրանցվել է 5-6 մագինտուդ ուժգնությամբ 12 երկրաշարժ, 4-5 մագնիտուդ ուժգնությամբ՝ 176 երկրաշարժ, 3-4 մագնիտուդ ուժգնությամբ՝ 2268 երկրաշարժ, 2-3 մագնիտուդ ուժգնությամբ՝ 6754 երկրաշարժ, 2-ից ցածր մագնիտուդ ուժգնությամբ՝ 102 երկրաշարժ:
