ԱՄՆ Ջորջիա համալսարանի գիտնականները Վան Գոգի նկարներում պատկերված արևածաղիկներում տեսել են գենային մուտացիայի վկայություններ: Այս մասին հայտնում է RIA Novosti-ն` հղում անելով PLoS Genetics ամսագրում տպագրված հոդվածին:
Արևածաղկի համար տիպական ֆենոտիպը բարդ ծաղկաբույլ է` երկու տեսակի ծաղիկներով: Վան Գոգի նկարներում պատկերված ծաղկաբույլերի մեծ մասն ունեն ոչ մեծ «պտղակիր» ներքին սկավառակ, որը ծածկված է բազմաթիվ արտաքին ծաղիկ-տերևներով: Դա, ինչպես նշում են գիտնականները, գենային մուտացիայի արդյունք է:
Այսպիսի ծաղկաբույլերն այնքան էլ լավ չեն վերարտադրվում, քանի որ դրանց հաջողվում է քիչ սերմ արտադրել:
Աշխատանքի հեղինակները պարզել են, որ մուտացիան տեղի է ունենում HaCYC2c գենում, որը պատասխանատու է ծաղիկների անպտղության համար: Գիտնականները նաև ապացուցել են, որ վայրի արևածաղիկների դեպքում HaCYC2c գենի մուտացիա չի լինում:
Վան Գոգը երկու նկարաշար ունի, որ անվանել է «Արևածաղիկներ»: Առաջինում, որ նկարել է 1887թ., պատկերված են պառկած արևածաղիկներ: Երկրորդում ծաղիկները դրված են տարբեր ծաղկամանների մեջ: Հենց դրանք են դարձել գիտնականների ուսումնասիրության առարկան: Դրանք նկարվել են Առլում 1888թ.:
