Ավստրալիայի իշխանությունները փակել են լողափը, որի մոտ այսօր առավոտյան շնաձուկը հարձակվել էր լողորդի վրա: Ինչպես հաղորդում է RIA Novosti-ն, հղում կատարելով ABC-ին, ներկայում ընթանում են աշխատանքներ` շնաձկանը բռնելու ուղղությամբ:
Ձկնորսական ծառայության աշխատակցի խոսքով` մասնագետները պատրաստում են սարքեր` վերջինիս բռնելու համար: «Ձկնորսական գերատեսչության աշխատակիցը զննում է տեղանքը ուղղաթիռից»,- հավելել է նա:
Հիշեցնենք, որ դեպքը պատահել է այսօր առավոտյան՝ Պերտ քաղաքից 1.7 կմ հարավ: Շնաձկան հարձակման հետևանքով 33-ամյա Պիտեր Կուրմանը մահացել է: Զոհվածը ընկերոջ հետ ստորջրյա լողով է զբաղված եղել: Նրա ընկերը շնաձկան հարձակումից չի տուժել:
