Florence + The Machine խումբը նոր երգ է ձայնագրել «Սպիտակաձյունիկն ու որսորդը» ֆիլմի սաունդթրեքի համար (Snow White and the Huntsman): Այս մասին հաղորդում է Gigwise կայքը:
Խմբի նոր ստեղծագործությունը ստացել է Breath Of Life անվանումը: Տեղեկություններ այն մասին, թե էլ որ խմբերը կամ երգիչները կմասնակցեն սաունդթրեքի աշխատանքներին, ներկա պահին չկան:
Florence + The Machine խումբը գլխավորում է Ֆլորենս Ուելչը: Իր գոյության ընթացքում այս խումբը հասցրել է թողարկել 2 ալբոմ՝ Lungs, որը վաճառքի է դուրս եկել 2009թ. հուլիսին, և Ceremonials՝ 2011թ. նոյեմբերին: Երկու ալբոմներն էլ գլխավորել են բրիտանական չարթի 1-ին հորիզոնականը
«Սպիտակաձյունիկն ու որսորդը» ֆիլմի գլխավոր կերպարը մարմնավորել է դերասանուհի Քրիստեն Ստյուարդը: Չար թագուհու դերը բաժին է հասել Շարլիզ Թերոնին:
Ֆիլմը վարձույթի կհանվի 2012թ. հունիսին:
