Եգիպտոսի խորհրդարանի ամենամեծ խմբավորումը՝ «Մուսուլման եղբայրները», պատրաստվում են երկու շաբաթվա ընթացքում հասնել վարչապետ Քամալ Ալ-Գանզուրիի կառավարության հրաժարականին:
Ինչպես հաղորդում է RIA Novosti-ն՝ վկայակոչելով տեղի ԶԼՄ-ներին, եղբայրների քաղաքական թևը՝ «Ազատություն և արդարություն կուսակցությունը», անվստահության քվե կներկայացնի նախարարների կաբինետին:
Հիշեցնենք. ավելի վաղ «Ազատություն և արդարություն» կուսացությունը բանակին մեղադրում էր Ալ-Գանզուրիի կառավարությանն աջակցելու մեջ, «որի աշխատանքները իսկական ձախողում են»: Ի պատասրխան՝ Բարձրագույն խորհուրդը նշել է, որ «չնայած կառավարության գործունեությունն այս անցումային շրջանում, հնարավոր է, լիովին չի համապատախանում հասարակության ձգտումներին, այնուամենայնիվ, մենք ելնում են ազգային շահերի առաջնայնությունից, հանուն որի մենք գործում ենք»:
Բացի այդ, Եգիպտոսի զինվրոական ղեկավարությունը հերքել է իսլամիստների այն մեղադրանքները, թե իբր իրենք պատրաստվում են կեղծել նախագահական ընտրությունների և սահմանադրության հանրաքվեի արդյունքները: Նման մեղադրանքների համար պատճառ է հանդիսացել այն ենթադրությունը, որ զինվորականներն ամեն ինչ կանեն իրենց թեկնածուի հաղթանակը՝ ի դեմս հետախուզութան նախկին ղեկավար Օմար Սուլեյմանի, ապահովելու համար:
