Եթե հաստստվի այն տեղեկությունը, որ Վենեսուելայի մի շարք բանկեր և ընկերություններ աջակցություն են ստանում ընդդիմությունից, երկրի նախագահ Ուգո Չավեսը կբարձրացնի դրանք ազգայնացնելու հարցը: Այս մասին հաղորդում է RIA Novosti-ն՝ վկայակոչելով Globovision հեռուստաընկերությանը:
«Այստեղ սահմանադրության հարցն է, և ուրիշ ոչինչ. վատ չէր լինի մասնավոր բանկերը հանձնել հայրենիքին և ժողովրդին: Ավելորդ չէր լինի պետության դեմ անջատողական աշխատանքի պատճառով այդպիսի ձեռնարկույթունների ազգայնացման հրամանը»,- հայտարարել է Չավեսը:
Նախագահի խոսքերով՝ ինքը տեղեկություն ունի, որ ընդդիմությունը պատրաստվում է մի շարք նախագծեր իրականացնել Վենեսուելայում իրավիճակն ապակայունացնելու ուղղությամբ, և որ այդ գործողություններին աջակցում են մի քանի բանկեր: Սակայն մանրամասներ այդ առնչությամբ նա չի հայտնել:
Սա նման առաջին սպառնալիքը չէ մասնավոր բանկային կապիտալի հասցեին: Վերջերս Չավեսը սպառնաց ազգայնացնել այն բանկերը, որոնք չեն ֆինանսավորի մանր գյուղատնտեսական արտադրողներին:
Վենեսուելան 1999 թ. Չավեսի իշխանության գալուց հետո իրականացնում է արդյունաբերության տարբեր ճյուղերի ազգայնացում:
Չավեսը նաև հայտարարել է, որ պատրաստ է ընդունել իր պարտությունը նախագահական ընտրություններում: «Ես կլինեմ առաջինը, ով դա կընդունի»,- ասել է նա: Ընդ որում, նա նշել է, որ ընդդիմությունը չի ընդունի սեփական պարտությունը:
Վենեսուելայում նախագահական ընտրությունները տեղի կունենան 2012 թ. հոկտեմբերի 7-ին:
