Հայ մերկապարուհին տղամարդու իդեալ չունի. այս մասին այսօր լրագրողների հետ հանդիպմանը հայտնեց ինքը՝ հայազգի հայտնի մերկապարուհի Վարդանուշ Մարտիրոսյանը: Նա հավելեց, որ իր համար նշանակություն չունի տղամարդու արտաքինը, տղամարդու ընտրության հարցում նա ինչ-որ հատուկ պարամետրերով չի առաջնորդվում:
«Ինձ համար նշանակություն չունի նաև ազգային պատկանելությունը։ Ես արվեստագետ եմ և հավատում եմ սիրուն. այո՝ կա սեր առաջին հայացքից»,- ասաց մերկապարուհին:
Հիշեցնենք, որ Վարդանուշ Մարտիրոսյանը Հայաստանում է LUXURY ամսագրի հրավերով։ Նա առաջին անգամ մեծ հաջողություն է ունեցել 2004 թվականին՝ Ուկրաինայի մերկապարի մրցույթում: Հաջորդ տարի նա հաղթել է «Ոսկե պիլոն» միջազգային մրցույթում: Հայտնի մերկապարուհին արժանացել է նաև «Միսս Pole-Dance Ռուսաստան 2009» տիտղոսին: Միաժամանակ նա զբաղվում է նաև երգարվեստով:
