Լեռնային Ղարաբաղի համար Հայաստանի և Ադրբեջանի միջև հրադադարի ռեժիմի խախտման պատճառով երկու կողմներն էլ տարեկան մի քանի տասնյակ մարդկային կորուստներ են ունենում: Փորձագետները կարծիքով` Վլադիմիր Պուտինի` Կրեմլ վերադառնալը լիովին ոչնչացնում է Հարավային Կովկասում կայության հաստատման հույսերը: Փորձագետների հոռետեսության պատճառը փորձել է պարզել The New Times-ը:
Մարտի 15-ին Վլադիմիր Վլադիմիրովիչին անակնկալ այցելել էր Ռոբերտ Քոչարյանը: Որքան էլ զարմանալի է` ՌԴ նորընտիր նախագահի հետ երկու ժամ տևած հանդիպման վերաբերյալ պաշտոնական մեկնաբանություններ չարվեցին: Պարբերականին հետաքրքրիր է, թե նրանք այդքան ժամ ի՞նչ էին քննարկում, եթե երկկողմ հարաբերությունների ընթացիկ հարցերը նրանց հանդիպումից ընդամենը մեկ շաբաթ առաջ բարձրացվել էին Պուտինի և հայկական կողմի գործընկեր Տիգրան Սարգսյանի հանդիպման ժամանակ: Քոչարյանի այցը Մոսկվա մեծ հետաքրքրություն է առաջացրել Բաքվում:
Բաքվում եվրոպական դիվանագիտական աղբյուրների տվյալներով` ՌԴ նորընտիր նախագահին հետաքրքրում են Քոչարյանի` մեծ քաղաքականություն վերադառնալու հեռանկարները մայիսի 6-ին կայանալիք խորհրդարանական ընտրություններից հետո: Հետաքրքրության հիմքերը խորն են: Մոսկվան հիացած չէ Հայաստանի ներկայիս իշխանությունների հետ հարաբերություններով: Պարբերականը նշում է, որ Պուտինի համար Քոչարյանն այն մարդն է, որը կաջակցի Ռուսաստանին վերադառնալու նախկին` կովկասյան լիդերի դերին: Ռուսաստանի այդ դերը թուլացել էր 2008 թվականին Վրաստանի հետ պատերազմելուց հետո:
Որպեսզի կրկին վերականգնի դիրքերը Կովկասում, Ռուսաստանի համար Հայաստանի հետ գործընկերությունը բավական չէ,- կարծում է ադրբեջանցի քաղաքագետ Ռաֆիկ Մամեդովը: Նրա կարծիքով` Մոսկվան պետք է գործընկերային հարաբերություններ հաստատի Բաքվի և Թբիլիսիի հետ: Կհաջողվի՞ Պուտնին դա անել` մեծ հարց է:
Եթե Ռուսաստանը Ադրբեջանի հետ համաձայնագիր չստորագրի Գաբալայի ռադիոտեղորոշիչ կայանի հարցի շուրջ՝ երկկողմ հարաբերությունները փակուղի կմտնեն: Վերլուծաբանների կարծիքով` Բաքվի քաղաքականությունը Պուտինի սրտով չէր, հատկապես Կրեմլին դուր չէին գալիս Բաքվի սերտ կապերը ՆԱՏՕ-ի հետ:
