1971թ. այս օրը վախճանվեց հայ դերասան, ՀԽՍՀ ժողովրդական արտիստ (1938), ԽՍՀՄ ժողովրդական դերասան (1962) Ավետ Ավետիսյանը (Ոսկանյան):
Ծնվել է 1897թ. նոյեմբերի 12-ին (24)-ին, 1905թ. ընդունվում է Ներսիսյան դպրոց, ուր մասնակցում է աշակերտական ներկայացումներին: Նախքան բանակ մեկնելը (1916) մանուֆակտուրայի խանութում աշխատել է իբրև աշակերտ և գործակատար։
Բանակից զորացրվելուց հետո (1918) Բաքվումմասնակցել է Հովհաննես Աբելյանի թատերախմբի ներկայացումներին: Բեմական մկրտությունը եղել է Ոսկանի (Շիրվազադեի «Չար ոգի», 1918) դերակատարումը: Այնուհետև Աբելյանի հետ գալիս է Թիֆլիս, ուր խաղում է հայոց դրամատիկական խմբում:1919 թվականին խաղացել է Թիֆլիսի հայոց դրամատիկական խմբում,1920-1921թթ.՝ Ղարաքիլիսայի (այժմ՝ Վանաձոր) թատրոնում՝ Ամո Խարազյանի խմբում։
1922-ից տեղափոխվում է Երևան, խաղում շրջիկ թատերախմբում, ապա ընդունվում է Գ. Սունդուկյանի անվան թատրոն և մինչև կյանքի վերջը ստեղծագործում այնտեղ: 1926 թվականից նկարահանվել է կինոյում։
