Circle.am-ի հետ վերջին ամիսներին տեղի ունեցող տեխնիկական դժվարությունները և «տեխնիկական անսարքությունների» պատճառաբանությամբ առաջատար կայքերի այցելությունների՝ նվազագույնը 10-15 տոկոսի չափով «դուրսգրումը» մեզ ստիպեցին գնալ ռադիկալ գործողությունների:
Այսուհետ մեր կայքէջի վերին աջ հատվածում մեր ընթերցողներն ու գովազդատուները կարող են ծանոթանալ www.1in.am կայքի այցելությունների քանակին՝ ըստ Google Analytics-ի: Այդ թիվը թարմանում է ամեն օր` կեսգիշերն անց` ցույց տալով նախորդ օրվա ցուցանիշը:
Գաղափարը կարող է շահեկանորեն հավանության արժանանալ այլ առաջատար կայքերի կողմից ևս, որոնք վերջին շրջանում անթաքույց արտահայտվել են Circle.am-ի, մեղմ ասած, «տեխնիկական խնդիրների» պատճառով ընկերություններին հասցված անդառնալի վնասի մասին:
