1928թ. այս օրը ծնվեց հանրապետության ժողովրդական նկարիչ, ԽՍՀՄ գեղարվեստի ակադեմիայի անդամ,քանդակագործ-մոնումենտալիստ Արա Հարությունյանը:
Մանկության տարիներին տարվել է նկարչությամբ, հատկապես Վրուբելի և Ռոդենի աշխատանքներով: Սովորել է Երևանի գեղարվեստա-թատերական ինստիտուտում, որն ավարտել է 1954թ.:
Ամենահայտնի աշխատանքներից է «Սայաթ-Նովա» հուշարձանը` պատրաստված սպիտակ մարմարից (1963թ.), որն ստեղծել է ճարտարապետ Է. Սարոպյանի հետ:
1967-1968 թթ. ստեղծում է «Մայր Հայաստան» հուշարձանը, որը տեղադրված է Երևանի Հաղթանակի զբոսայգում:
1968թ. ճարտարապետներ Ռաֆայել Իսրայելյանի ու քանդակագործներ Սամվել Մանասյանի ու Արշամ Շահինյանի հետ ձեռնամուխ է լինում Սարդարապատի հերոսամարտի հերոսների հիշատակին նվիրված հուշարձանի կառուցմանը:
