Պերուի նախագահ Օլյանտա Ումալայի եղբայրներից մեկին՝ Անտաուրոյին, որը 19 տարվա ազատազրկման է դատապարտված պետական հեղաշրջման համար, բանտում նկարել են մարիխուանա ծխելիս,- գրում է պերուական El Comercio թերթը:
Մարիխուանա ծխելու կադրերը ցուցադրվել են Sin medias tintas ծրագրի եթերում: Այն, որ տղամարդը հենց մարիխուանա է ծխում, երևում է նրա և խցում գտնվող մյուս բանտարկյալի զրույցից: Ումալան իր զրուցակցին պատմում է, որ այդ օրն ինքն արդեն երրորդ անգամ է մարիխուանա ծխում, քանի որ «ձանձրանում է և չգիտի ինչ անել»:
Բացի այդ, մի քանի շաբաթ առաջ հաղորդվում էր, որ Անտաուրոն իր բանտախցում ունի ժամանակակից տեխնիկայից օգվելու բոլոր հնարավորությունները՝ նոթբուք՝ միացված համացանցին, iPhone, հեռուստացույց և այլ էլեկտրական սարքեր:
Պերուի նախագահն ասել է, որ ինքը ոչ մի կապ չունի դրա հետ: Հեռուստացույցով ցուցադրված կադրերը կարող են լինել բանտում կոռուպցաիյի առկայության վկայություն, ինչը պետք է հետաքննվի:
Անտաուրո Ումալան երեք տարի առաջ դատապարտվել է 25 տարվա ազատազրկման 2005 թ. նախագահ Ալեխանդրո Տոլեդոյի վարչակարգը տապալելու մեղադրանքով: Ավելի ուշ նրա ազատազրկման ժամկետը կրճատվեց մինչև 19 տարի:
