Մարտի 21-ին կյանքի 92-րդ տարում մահացած իտալացի հայտնի գրող Տոնինո Գուերայի հուղարկավորությունը տեղի է ունեցել երեկ Պենաբիլի քաղաքի իր սեփական տան այգում: Այստեղ է նա ապրել գրեթե քառորդ դար: Նրա մարմինը դիակիզվել է, իսկ մոխիրն ամփոփվել է պատի մեջ: Թաղման արարողությունը տեղի է ունեցել ընտանիքի մտերիմների նեղ շրջանակում:
«Ինչ լավ է լինել այնտեղ, որտեղ վերագտնում ես ինքդ քեզ»,- ասում էր Գուերան Պենաբիլիի մասին:
Գրողի քաղաքացիական հոգեհանգիստը տեղի է ունեցել նրա հայրենի քաղաքում` Սանտարկանջելոյում, որտեղ երկօրյա սուգ է հայտարարվել:
Վերջին տարիներին հենց Պենաբիլիի այգին էր դարձել նրա աշխատանքների ցուցադրավայրը: Այնտեղ էր նա ստեղծում իր ինստալացիաները, քանդակում իր ընկերներին ու համախոհներին։
Գուերան ծնվել է 1920 թվականի մարտի 16-ին իտալական փոքրիկ Սանտարկանջելո քաղաքում` Ռիմինից ոչ հեռու: Իր ստեղծագործական կյանքի ընթացքում գրել է ավելի քան 100 ֆիլմերի սցենարներ, որոնցից շատերը համարվում են դասական գործեր: Գուերան աշխատել է համաշխարհային կինեմատոգրաֆի դասականներ Ֆեդերիկո Ֆելինիի, Միքելանջելո Անտոնիոնիի, Անդրեյ Տարկովսկու, Թեո Անգելոպուլոսի հետ:
Նա «Օսկար» է ստացել «Կազանովա», «Սուրբ Լորենցոյի գիշերը» ֆիլմերի համար:
Նրա սցենարները 8 անգամ ստացել են Կաննի կինոփառատոնի գլխավոր մրցանակը:
