Վեց մարդ, այդ թվում՝ հինգ երեխա դարձել են Իսրայելի բնակելի շենքերից մեկում բռնկված հրդեհի զոհ: Միջադեպն, ինչպես այսօր հաղորդել է «Ջերուսալեմ փոստ» թերթը, տեղի է ունեցել անցած գիշեր Ռեհովոտ քաղաքում՝ Թել Ավիվից 20 կմ հարավ-արևելք:
Ըստ ոստիկանության ներկայացուցչի՝ զոհվածները՝ հայրն ու նրա մինչև 12 տարեկան երեխաները, ապրում էին քաղաքի կենտրոնական փողոցներից մեկի բնակելի շենքի փոքր բնակարանում: Զոհվածների մորն ու կնոջը հաջողվել է փրկել:
Հնարավոր է հրդեհի վայրում հայտնաբերվեն նաև այլ զոհերի մարմիններ:
Միջադեպի հետաքննությունն արդեն սկսվել է:
