ՄԱԿ-ի հատուկ տրիբունալը ներկայացրել է Հարիրիի սպանության ակտը

ՄԱԿ-ի հատուկ տրիբունալի դատախազ Դանիել Բելմարը տրիբունալի ռեգիստրատորին է ներկայացրել Լիբանանի նախկին վարչապետ Ռաֆիկ Հարիրիի սպանության գործով ակտը և հարակից փաստաթղթերը: APA-ի հաղորդմամբ, փաստաթղթերի բովանդակությունը գաղտնի է պահվում, իսկ դրանց ներկայացումը գործի դատական փուլի սկիզբն է ազդարարում: Այժմ տրիբունալի պալատը մեղադրականը ուսումնասիրելուց հետո պետք է հաստատի կամ մերժի դատախազի ներկայացրած մեղադրանքները: Հաստատման դեպքում դատական գործընթացը կարող է սկսվել 4-ից 6 ամսում: ԱՄՆ նախագահ Բարաք Օբաման ողջունել է մեղադրական ակտի ներկայացման փաստը, ինչը, նրա կարծիքով, թույլ կտա վերջ դնել Լիբանանում անպատժելի մնացող քաղաքական սպանություններին և արդարության հասնել լիբանայան ժողովրդի համար: Օբաման կոչ է արել թույլ տալ տրիբունալին աշխատել առանց միջամտությունների և ճնշումների, ինչը Լիբանանին ավելի պայծառ ապագա է խոստանում: Նա նաև Լիբանանի համար այս բարդ ժամանակահատվածում զսպվածության կոչ է արել երկրի բոլոր ուժերին և քաղաքական գործիչներին: