Ցանցահենները ջարդել են սաուդյան «Ալ-Արաբիա» հեռուստաալիքի Facebook-ի անգլերեն էջը և այնտեղ տեղադրել են կեղծ լուրեր:
Հեռուստաալիքի կայքի տեղեկության համաձայն՝ չարագործներն արաբերենով գրել են մոտ 30 լուր՝ Սիրիայի ազատ բանակի և կառավարական ուժերի միջև սկսված բախումների մասին: Մի քանի լուրեր ուղեկցվել են ավերված տների կամ ռմբակոծիչների լուսանկարներով:
Որպես կանոն՝ այդ էջում բոլոր լուրերը հրապարակվում են անգլերենով և հեռուստաալիքի կայքին հղում անելով:
Խմբագրությունում հայտարարել են, որ չեն կարող հաստատել այդ լուրերի հավաստիությունը:
Տվյալ պահին, ինչպես հաղորդում է Lenta.Ru-ն, տեխնիկական աջակցման ծառայությունը փորձում է վերացնել խնդիրը և բացահայտել կայքը կոտրողներին:
