Ֆինլանդիայի, Միացյալ Նահանգների և Մադագասկարի կենդանաբանները շագանակագույն լեմուրների սոցիալական ցանցերի կառուցվածքը հաստատելու համար օգտագործել են նրանց մակաբույծներին: Հոդվածը կհրապարակվի BMC Ecology ամսագրում:
Հետազոտողները Microcebus rufus լեմուրներին բռնել են Մադագասկարի մի քանի կետերից և տարբեր գույներով մակնշել դրանց մակաբույծներին, ոջիլներին՝ Lemurpediculus verruculosus:
Մակնշումից հետո հետազոտողները շարունակել են հետևել, թե ինչպես է փոփոխվում մակաբույծների կազմն իրենց տերերի վրա:
Lemurpediculus verruculosus-ը ապրում է միայն շագանակագույն լեմուրների վրա, իսկ եթե իրենց տիրոջ վրա չեն հայտնվել, ապա կարող են մնալ ընդամեը մի քանի ժամ: Այդ իսկ պատճառով մակնշված մակաբույծի հայտնաբերումը մեկ այլ լեմուրի վրա, վկայում է այդ երկու լեմուրների սերտ կապի մասին: Սրա հիման վրա գիտնականները կազմել են լեմուրների փոխազդեցության սխեմա և հայտնաբերել ամենամեծ թվով սոցիալական շփում ունեցող նմուշներ:
Նման մոտեցման շնորհիվ հետազոտողներին հաջողվել է ցույց տալ, որ շագանակագույն լեմուրները ճանապարհորդում են շատ ավելի մեծ հեռավորություններով, քան նախկինում գնահատվում էր:
Հեղինակները կարողացել են նաև ցույց տալ, որ զուգավորման ընթացքում նրանց միջև շփումների թիվն աճում է:
Ինչպես տեղեկացնում է lenta.ru-ն, շագանակագույն լեմուրները քողարկվող գիշերային կենդանիներ են: Նրանք ապրում են միայն Մադագասկարում:
