Երևանի Կենտրոն և Նորք-Մարաշ վարչական շրջանների ընդհանուր իրավասության դատարանը հրապարակեց 9 աղջիկների պոռնկությամբ շահագործելու գործով մեղադրյալներից Արման Միքայելյանի վերաբերյալ կայացված վճիռը: Դատարանը իր որոշմամբ Արման Միքայելյանին դատապարտեց 8 տարվա ազատազրկման:
Արման Միքայելյանի մայրը` Գոհար Գալստյանը «Առաջին լրատվականի» հետ խոսել չկարողացավ, արտասվում էր, միայն վստահեցրեց, որ դատարանի որոշումը նախապես պատվիրված էր, քանի որ թրաֆիքինգը գլխավորողը պատգամավորության թեկնածություն է դրել:
Նշենք, որ Արման Միքայելյանը կալանավորված է արդեն 1 տարի 4 ամիս:
Դատարանի այսօրվա վճիռը մեկամսյա ժամկետում կարող է բողոքարկվել վերաքննիչ դատարանում:
