ՄԱԿ-ը հայտարարել է, որ մարդասիրական օգնությունը հասել է Բիրմայի հյուսիսի տասնյակ հազարավոր փախստականներին, որոնք իրենց տները լքել են ապստամբների և կառավարության բախումների պատճառով, գրում է BBC-ն:
ՄԱԿ-ի ներկայացուցիչն ասել է, որ առաջին անհրաժեշտության իրերը տեղ են հասել, և որ ՄԱԿ-ը հույս ունի հակամարտության գոտում հնարավորինս արագ կազմակերպել օգնության կանոնավոր մատակարարումը:
ՄԱԿ-ի հաշվարկներով մոտ 50 հազար մարդ ստիպված տեղահան է եղել կառավարական ուժերի և տիբեթա-բիրմայական Կաչին էթնիկ խումբը ներկայացնող գրոհայինների բախումների պատճառով:
Ըստ ամերիկյան շրջանակներում տարածված խոսակցությունների` հակամարտությունը հակասում է Բիրմայի կառավարության քաղաքական բարեփոխումներ անցկացնելու մտադրությանը:
