Շվեդիան կարող է դառնալ աշխարհում առաջին երկիրը, որ կարող է հրաժարվել կանխիկ դրամից:
Երկիր, որն առաջինն է 1661թ. ներմուծել թղթադրամների շրջանառությունը, հիմա կարծում է, որ թղթադրամները սպառել են իրենց ու այլևս անհրաժեշտ չեն: Այս մասին հայտնում է NEWSru.com-ը` հղում կատարելով բրիտանական The Daily Mail պարբերականին:
Շվեդական քաղաքների մեծ մասում անգամ ավտոբուսների տոմսերի համար վճարումը կատարվում է բջջային ծառայությունների միջոցով:
Երկրում բանկերը ընդհանրապես հրաժարվում են կանխիկ դրամով կատարվող գործարքներից: Անգամ եկեղեցին նվիրատվություններն ընդունում է պլաստիկ քարտերով:
Ներկայում շվեդական տնտեսության մեջ կանխիկի մասնաբաժինը կազմում է ընդամենը 3 տոկոս` ԱՄՆ-ի 7 ու ԵՄ-ի 9 տոկոս շրջանառության դիմաց:
Երկրում, սակայն, կտրուկ աճել է ինտերնետ հանցագործությունների ու ցանցահենների հարձակումների թիվը:
Եթե 2000թ. կատարվել էր շուրջ 3.3 հազար հարձակում, ապա անցած տարի` շուրջ 20 հազար հարձակում:
