Սիրիայի կառավարական ուժերն այս գիշեր սկսել են Բինեշ քաղաքի ռմբակոծումը, որը համարվում է ընդդիմության հենակետերից մեկը և գտնվում է Թուրքիայի սահմանի մոտ: France Presse գործակալության փոխանցմամբ՝ ռմբակոծությունն իրականացվում է տանկերից, որոնք շրջապատել են քաղաքը: Հաղորդվում է, որ Բինեշի հազարավոր բնակիչներ լքել են այն:
Իրավապաշտպանների հաղորդած տեղեկություններով` Սիրիայում մարտերի ժամանակ երեկ զոհվել է 60 մարդ: Արյունահեղությանը չի օգնել նույնիսկ ՄԱԿ ԱԽ-ի կողմից ընդունված հայտարարությունը, որում աջակցություն է հայտնվում Քոֆի Անանի կողմից առաջարկված խաղաղ կարգավորման ծրագրին:
