ԿՀՎ. Հայաստանը 139-րդն է, Ադրբեջանը` 103-րդ

ԱՄՆ-ի Կենտրոնական հետախուզական վարչությունը (ԿՀՎ) հրապարակել է իր սեփական զեկույցը 230 երկրների տսնտեսական ցուցանիշների վերաբերյալ` վերլուծելով մեկ շնչին ընկնող ՀՆԱ-ի տվյալները (մեծամասամբ՝ ըստ 2010 թ. տվյալների): Այս մասին հաղորդում է ProfiNews ուկրաինական կայքը:
Ուկրաինան այս վարկանշային ցուցակում գտնվում է 134-րդ տեղում (6700 դոլար մեկ շնչին ընկնող հաշվարկով), նրանից առաջ են անցել Գայանան` 6800 դոլար և Նամիբիան 6900 դոլար:
Հետաքրքիր է, որ Ռուսաստանն իր գազի և նավթի մեծ պաշարներով գտնվում է 72-րդ տեղում (15,900 դոլար), իսկ նրանից առաջ են անցել նախկին խորհրդային մերձբալթյան պետությունները՝ Լիտվան (15,900 դոլար) և Էստոնիան (19,000 դոլար):
ԱՊՀ պետություններիից Բելառուսը հայտնվել է 88-րդ տեղում (13,400 դոլար), Ղազախստանը` 93-րդ (12,500 դոլար), Ադրբեջանը` 103-րդ (11,000 դոլար), Թուրքմենստանը` 129-րդ (7400 դոլար), Հայաստանը` 139-րդ (5800 դոլար), Վրաստանը` 153-րդ (4800 դոլար), Ուզբեկստանը` 167-րդ (3100 դոլար):
Վարկանիշային ցուցակում առաջին հնգյակում են գտնվում Քաթարը (145,300 դոլար), Լիխտենշտեյնը (122,100 դոլար), Լյուքսեմբուրգը (81,800 դոլար), Բերմուդան (69,900 դոլար), Սինգապուրը (62,200 դոլար)։ Իսկ ԱՄՆ-ն գտնվում է ընդամենը 11-րդ տեղում (47,400 դոլար):