Միլիարդատեր Ուորեն Բաֆեթի` հարուստների վերաբերյալ հարկի օգնությամբ ամերիկյան բյուջեն 10 տարում կհամալրվի 47 մլրդ դոլարով: Այս մասին նշված է ԱՄՆ Սենատի ֆինանսների հարցերով կոմիտեի կայքում:
Ֆինանսների կոմիտեի կայքում հանրապետական, Յուտա նահանգից Օրին Հետչն արդեն քննադատել է «Բաֆեթի հարկը»` այն անվանելով «շուն, որը չի հաչում»: Նրա խոսքով` ԱՄՆ նախագահ Բարաք Օբաման կողմ է եղել հարկը ընդունելուն միայն քաղաքական դրդապատճառներից ելնելով, քանի այն թույլ է տալիս զգալիորեն կրճատել բյուջեի դեֆիցիտը:
Ինչպես գրում է Bloomberg-ը, Օբամայի պլանը 2013 թ. համար 10 տարվա ընթացքում կավելացնի բյուջեի դեֆիցիտը 6.4 տրլն դոլարով: Այսկերպ նախագահի պաշտպանած հարկերի բարձրացումը կարող է ցուցանիշը կրճատել միայն 0.7 տոկոսով:
«Բաֆեթի հարկը» ենթադրում է բարձրացնել հարկերի չափն այն քաղաքացիների համար, որոնց տարեկան եկամուտը գերազանցում է 1 միլիոն դոլարը:
Հունվարի վերջին Կոնգրեսին ուղղված իր դիմումում Օբաման առաջարկել էր բարձրացնել հարկերը հարուստների համար։
