FrancePresse գործակալության հաղորդմամբ, լրագրող Մայքլ Ռասելը «Ոսկե Գլոբուս» հեղինակավոր կինոփառատոնի կազմակերպիչներին` Արտասահմանյան մամուլի հոլիվուդյան ասոցիացիայի (Hollywood Foreign Press Association, HFPA) անդամներին, դատի է տվել` նրանց մեղադրելով կաշառակերության և պայմանագրի խախտման մեջ։
«Ոսկե գլոբուս» մրցանակների հանձնման արարողությունը տեղի կունենա հունվարի 16-ին, Բեվերլի Հիլզում։
Լրագրողը պատրաստվում է մոտ 2 մլն դոլարի փոխհատուցում պահանջել պայմանագրի խախտման և աշխատավարձի ուշացման համար` դատական հայտի մեջ նշելով, որ կինոփառատոնի կազմակերպիչները չարաշահում են իրենց դիրքը. «Նրանք մասնակցում են ոչ էթիկական և պոտենցիալ ապօրինի գործարքների և համաձայնագրերի, ինչը հավասարազոր է կաշառակերության»։ Իսկ թե կոնկրետ ինչ կաշառակերության մասին է խոսքը և արդյոք լրագրողը կարող է ապացուցել` հայցադիմումում նշված չէ։ Տեղեկանալով , որ լրագրող Մայքլ Ռասելը դատի է տվել իրենց, HFPA ղեկավարությունը հայտարարել է, որ անմեղ է, և որ լրագրողը ցանկանում է իր անձնական նպատակների համար օգտագործել կազմակերպության փողերը։