Մայամիի դատարանը բավարարել է կուբացի լրտես Ռենե Գոնսալեսի հայցը: Նրան դուրս են թողել ԱՄՆ-ից, որպեսզի այցելի Կուբայում ապրող հիվանդ եղբորը: Associated Press-ի տվյալներով` նրա այցը չպետք է տևի երկու շաբաթից ավել:
Ինչպես պարզաբանում է The Miami Herald-ը, կուբացին դիմել էր դատարան դեռևս փետրվարի 24-ին: Կուբայական լրատվամիջոցները գրում են, որ Գոնսալեսը մտադիր է այցելել քաղցկեղով հիվանդ եղբորը, որը վատ վիճակում է գտնվում: Նա երկար ժամանակ եղել է Ռենեի և նրա կողմնակիցների պաշտպանների խմբի մեջ:
Գոնսալեսին բաց թողնելու որոշումն ընդունվել է ի հեճուկս արդարադատության նախարարության, որի կարծիքով հայրենիքում Գոնսալեսը կարող է կապ հաստատել իր գործատուների հետ և վերադառնալ լրտեսական գործունեությանը:
Գոնսալեսը համարվում է, այսպես կոչված, «Կուբայական հնգյակ» լրտեսական խմբի անդամ: Նրանք ձերբակալվել են 1998 թ. և դատապարտվել 2001 թ.: Գոնսալեսը դատապարտվել է 15 տարվա ազատազրկման, բայց 2010 թ. ին նրան ազատ են արձակել օրինակելի վարքի համար: Միաժամանակ, նրա ազատ արձակման պայմանը երեք տարի ԱՄՆ-ից չբացակայելն է եղել:
Ինչպես հետագայում պարզ դարձավ,`ԱՄՆ-ի իշխանությունները 2010 թ. փորձել են Գոնսալեսին փոխանակել Կուբայում 15 տարվա ազատազրկման դատապարտված ԱՄՆ-ի քաղաքացի Ալան Գրոսայի հետ: Սակայն Կուբան հրաժարվել է փոխանակումից:
The Miami Herald գործակալությունը հաղորդում է, որ 2010 թ. Գրոսան դիմել է անձամբ Կուբայի ղեկավար Ռաուլ Կաստրոյին՝ խնդրելով իրեն թույլ տալ այցելել քաղցկեղով հիվանդ իր մորը։ Թե ինչ որոշում է ընդունել Կաստրոն, հայտնի չէ: Միաժամանակ Ֆլորիդա նահանգի սենատոր Բիլլ Նելսոնը խնդրել էր Հռոմի Պապ Բենեդիկտոս 16-րդին, որպեսզի իր մարտի 16-ին նախատեսված Կուբա այցի ժամանակ միջնորդի, որ Գրոսային ժամանակավորապես թույլ տան այցելի իր մորը:
