ԱՄՆ կինոքննադատները տարվա լավագույն դերասանուհի են ճանաչել Նատալի Պորտմանին, լավագույն ֆիլմ` «Սոցիալական ցանցը»

Դերասանուհի Նատալի Պորտմանը ստացել է Ամերիկյան կինոքննադատների ասոցիացիայի «Տարվա լավագույն դերասանուհի» կոչումը` «Սև կարապ» ֆիլմում խաղացած գլխավոր դերի համար: Այս մասին հայտնում է РИА Новости-ն: Անցյալ տարի լավագույն դերասանուհի են ճանաչվել Մերիլ Ստրիպը և Սանդրա Բալոքը: Վերջինս ստացել է նաև «Օսկար»` «Անտեսանելի երկիր» ֆիլմում դերակատարության համար: «Տարվա լավագույն դերասանուհի» անվանակարգում, բացի հաղթողից, առաջադրված էին նաև Ջենիֆեր Լոուրենսը, Նիկոլ Քիդմանը, Նումի Ռեպեյսը և Անետ Բենինգը:
ԱՄՆ կինոքննդատաների մրցանակին «Լավագույն դերասան» անվանակարգում արժանաել է բրիտանացի Քոլին Ֆերտը` «Թագավորը խոսում է» ֆիլմի համար: Այս անվանակարգում ներկայացված էին նաև Ջեֆ Բրիջեսը, Ռոբերտ Դյուվալը, Ջեսի Այզենբերգը, Ջեյմս Ֆրանկոն և Ռայան Գոզլին:
Սկսնակ դերասանների շարքում լավագույնն է ճանաչվել Հեյլի Սթայնֆիլդը:
«Լավագույն ֆիլմ» անվանակարգում հաղթել է «Սոցիալական ցանց» ֆիլմը, որը պատմում է աշխարհի ամենամեծ սոցիալական կայքի` Facebook-ի հիմնադիր Մարկ Ցուկերբերգի մասին, որը կարճ ժամանակահատվածում դարձավ աշխարհի ամենաերիտասարդ միլիարդատերը: Չնայած ֆիլմի ցուցադրությունից հետո ինքը` Մարկ Ցուկերբերգը հայտարարել է, որ ֆիլմում գրեթե ամեն ինչ մատացածին է և կապ չունի իրականության հետ:
Broadcast Film Critics Association-ը կինոքննադատների ամենամեծ կազմակերպությունն է ու միավորում է մոտ 200 հեղինակավոր լրագրողների ամբողջ աշխարհից: