Եվրահանձնաժողովի նախագահ Ժոզե Մանուել Բարոզուն խստորեն դատապարտել է Ֆրանսիայի Թուլուզ քաղաքում հրեական դպրոցում կատարված հրաձգությունը:
«Եվրոպական հանձնաժողովի անունից ես ցանկանում եմ վճռականորեն դատապարտել այդ զազրելի հանցագործությունը և արտահայտել այն ամբողջ սարսափը, որ մեզ ներշնչում է այդպիսի կույր բռնությունը: Ավելի անընդունելի բան չկա, քան անմեղ երեխայի մահը»,- Բարոզուի խոսքերը մեջբերում է Interfax-ը:
Բարոզուն նաև իր ցավակցությունն է հայտնել զոհվածների ընտանիքներին:
Հիշեցնենք, որ այսօր առավոտյան Թուլուզի հրեական դպրոցի մոտ անհայտ անձը անկանոն կրակահերթ է արձակել հավաքված երեխաների և ծնողների վրա, ինչի հետևանքով զոհվել է 4 մարդ, այդ թվում՝ 3 երեխա:
Կատարվածի կապակցությամբ Ֆրանսիայի նախագահի 3 թեկնածուներից երկուսը՝ Նիկոլա Սարկոզին և սոցիալիստ Ֆրանսուա Օլանդը, հետաձգել են իրենց ընթացիկ նաընտրական միջոցառումները: Սարկոզին շտապ այցով ժամանել է Թուլուզ, որետեղ իր ելույթի ժամանակ դատապարտել է սպանությունը՝ այն համարելով «ազգային ողբերգություն» և «զազրելի հանցագործություն»:
