Կենտրոնական հետախուզական գործակալության թոշակի անցած գործակալի` 1963 թվականին նախագահ Ջոն Քենեդիի սպանության մասին պատմող նոր գրքի համաձայն` Ֆիդել Կաստրոն նախապես իմացել է, որ նախագահին սպանելու են:
Ինչպես գրում է Daily Mail-ը, բամբասանքներն այն մասին, որ Կուբայի բռնապետը կարող էր իր մասնակցությունն ունենալ Քենեդիին սպանելու դավադրության մեջ, պտտվում են արդեն գրեթե կես դար այն բանից հետո, երբ կոմունիստ Լի Հարվի Օսվալդը Դալասում կրակել էր ԱՄՆ նախագահի վրա։
Բրայան Լաթելը, ով, որպես հետախուզության վերլուծաբան, ուսումնասիրել է Կուբայի գործողությունները 1960-ական թվականներին, և ով այնուհետև դարձել է գործակալության Լատինական Ամերիկայի հարցերով գլխավոր հետախուզության պետը, ասում է, որ ինքը համոզված է՝ Կաստրոն առնվազն հաստատ իմացել է, որ սպանությունն իրականացվելու է:
Հեղինակն իր գրքում գրում է, որ Կաստրոն իմացել է սպանության մասին և ոչ մի բան չի արել այն կանխելու համար:
