Կիրկորովը կրկին սկանդալի մեջ է հայտնվել

Ինչպես գրում է ռուսական uznayvse.ru կայքը, Ֆիլիպ Կիրկորովը կրկին հայտնվել է սկանդալային իրադրության մեջ: Հունվարի սկզբին նա համերգներով հանդես է եկել Դուբայում: Համերգներին մասնակցել է նաև Անիտա Ցոյը, սակայն Կիրկորովը համաձայնել է դրան միայն այն պայմանով, որ իր նկարները երկու անգամ ավելի մեծ լինեն, քան Անիտայինը:
Բացի այդ, համերգի հենց սկզբում նա դադարեցրել է երգը և հայտարարել, որ պահանջում է կազմակերպիչներից, որպեսզի բեմից մաքրեն Ցոյի ծաղկեփնջերից մնացած ջուրը: Երբ հավաքարարները փորձել են մաքրել, նա վերցրել է հատակի խոզանակն ու ինքը դա արել: Հավաքարարի գործից հետո նա անմիջապես անցել է իր պարտականությունների կատարմանը: