«ՀԺ»-ն գրում է, որ Սերժ Սարգսյանի պուճուր ախպեր, ՀՀԿ անդամ, Երևանի թիվ 13 ընտրատարածքում Սերժ Սարգսյանի կողմից առաջադրված պատգամավորի թեկնածու Մհեր Սեդրակյանը (Թոխմախի Մհեր), որ բավական երկար ժամանակ սըկած էր, երեկ աչքի է ընկել:
«Հանրապետական կուսակցության կենտրոնական գրասենյակում երեկ տեղի է ունեցել ՀՀԿ նորագիրներին կուստոմսեր բաժանելու արարողությունը, և մեր թղթակիցները շենքի մոտ կանգնած լուսանկարելիս են եղել գրասենյակ եկողներին:
Թոխմախի Մհերը, ահա, տեսնելով, որ իրեն լուսանկարում են, մոտեցել է մեր լուսանկարչին և ոչ ավել, ոչ պակաս ասել. «Հեսա կտամ՝ չանեդ կջարդեմ, մի նկարի»: «Ուզում եք պատգամավոր դառնալ և ուզում եք չնկարե՞նք»,֊ հետաքրքրվել է մեր թղթակիցը: «Չէ, չեմ ուզում, հերդ ա ուզում, գնա հորդ նկարի»,- ասել է Թոխմախը, խփել լրագրողի դիկտաֆոնին և հեռացել՝ քթի տակ մրթմրթալով»,- ապա թերթը հավելում է.
«Անկեղծ ասած, երեկ, երբ խմբագրությունում իմացանք այս միջադեպի մասին, բացարձակապես չնյարդայնացանք, որովհետև դա նույնն է, որ նյարդայնանաս, երբ էշը քացի է տալիս կամ խռանչում, կամ էլ փողոցի շունը վազում ավտոյի պագրիշկի հետևից: Նման իրավիճակում հո չե՞ս կարող էշին բացատրել մարդու իրավունքների, միջազգային կոնվենցիաների, Սահմանադրության, տեղեկատվության ազատության և այսօրինակ այլ բաների հիմնադրույթները: Եթե նման բան անես, նշանակում է՝ ՀԱՎԱՏՈՒՄ ԵՍ, որ ԷՇԸ ԿՓՈԽՎԻ: Իսկ եթե հավատում ես, ուրեմն՝ ամենամեծ էշը դու ես:
էշերին և բոլոր չորքոտանիներին փոխելու, ավելի ճիշտ՝ օգտակար դարձնելու մի ձև կա. պետք է սանձես, թամբես և ուղարկես հանրօգուտ աշխատանք անելու, իսկ կատաղությամբ տառապող շներին կապում են ժնջիլով: Այս դեպքում նրանց հաչոցը դառնում Է կառուցողական: Եվս մեկ շտրիխ. Մհեր Սեդրակյանը Սերժ Սարգսյանի կողմից առաջադրված պատգամավորի թեկնածու Է, Սերժ Սարգսյանի թիմի անդամ: Սերժ Սարգսյանը ցածր հասակի Էն մարդն ա, որ միջազգային հանրությանը խոստացել Է ազատ, արդար, օրինական ընտրություններ անել: Եվ այս ֆոնին արժե հատուկ ընդգծել, որ միջադեպը տեղի Է ունեցել ոստիկանների ներկայությամբ, ովքեր ոչինչ չեն ձեռնարկել լրագրողի օրինական գործունեության խոչընդոտելու փաստի կապակցությամբ»:
