Ֆրանսիայի Արրաս քաղաքի մզկիթի հավատացյալները երեկ երեկոյան դարձել են հարձակման թիրախ: Հանցագործի արարքների արդյունքում մզկիթի ուրբաթօրյա աղոթքի ժամանակ մեկ մարդ մահացել է, ևս մեկը վիրավոր է:
Եղած տեղեկությունների համաձայն՝ չարագործը բեյսբոլի փայտով զինված կռիվ է արել երիտասարդների խմբի հետ, որոնք կանգնած են եղել մզկիթի մուտքի մոտ, իսկ հետո հարձակվել է մզկիթի դռները բացող երկու մարդկանց վրա: Արդյունքում նրանցից մեկը մահացել է տեղում, իսկ մյուսը ծանր վերքերով տեղափոխվել է հիվանդանոց:
Ոստիկանությանը հաջողվել է ձերբակալել հարձակվողին:
Դեպքի վայրում հավաքվել են 100-ից ավել մարդիկ՝ սգալու մահացածի համար: Մզկիթի մուտքը փակվել է, ոստիկանությունը վերականգնում է դեպքերի ընթացքը:
Համաձայն նախնական տեղկությունների՝ հարձակվողը Մարոկկոյի 32-ամյա քաղաքացի է, ով պատկանում էր քաղաքի մուսուլմանական համայնքին: Բացի այդ, իրեն ճանաչողների շրջանում նա հայտնի էր իր հոգեկան անհավասրակշռությամբ:
