ԱՄՆ պաշտպանության բարձրաստիճան պաշտոնյան այսօր ասել է, որ Աֆղանստանում 16 քաղաքացիների սպանության մեջ մեղադրվող զինծառայողն այսօր, ամենայն հավանականությամբ, կտեղափոխվի ամերիկյան ռազմական բանտ:
The Washington Post-ը գրում է, որ 38-ամյա զինվորը, ով նաև երկու երեխաների հայր է, երեք տարի ծառայել է Իրաքում և մինչ Աֆղանստան ուղարկվելը լուրջ վիրավորված է եղել:
Նրան Աֆղանստանից ուղարկել էին Քուվեյթում գտնվող ամերիկյան ռազմաբազա, բայց, Քուվեյթի ռազմական պաշտոնյաների հաղորդմամբ, այսօր կեսօրին նրան այնտեղից տեղափոխել են:
Ռազմական պաշտոնյաներն ասել են, որ չեն հայտնի զինվորի անունը, քանի դեռ վերջինիս պաշտոնապես մեղադրանք չի ներկայացվել:
