ԱՄՆ պաշտպանության նախարարությունը 2013 թ. ամենաշատը կկրճատի ծովային ավիացիայի ծախսերը, հաղորդում է Aviation Week-ը: 2012 թ. համեմատությամբ, ռազմածովային ուժերի նոր թռչող սարքի գնման համար ծախսերը կկրճատվեն 14.6 մլրդ դոլարով: Եվս 3 մլրդ դոլարով Պենտագոնը որոշել է կրճատել ծովային ավիացիոն տեխնիկայի շահագործման և մատակարարման ծախսերը: Կրճատումերը նախատեսվում են 2013 թ. պաշտպնական բյուջերի նախագծով:
Պարբերականը գրում է, որ ներկայումս նախատեսվող կրճատումները վերջին 10 տարիների ընթացքում ամենախոշորն են՝ չնայած այն բանին, որ վերջին տասնամյակի ընթացքում ծովային ավիացիայի ծախսերն առանց այն էլ կրճատվում էին: 1999-2009 թթ. ընթացքում ծովային ավիացիայի ծախսերը պարբերաբար զբաղեցնում էին առաջին կամ երկրորդ տեղը ԱՄՆ ռազմածովային ուժերի ընդհանուր ծախսերի շարքում: 2004 թ. այդ ցուցիչն սկսեց իջնել և վերջին մի քանի տարիներին նույնիսկ առաջին քսանյակում չի հայտնվում:
Մյուս կողմից, ուղղաթիռային տեխնիկայի ծախսերը 2004 թվից մշտապես աճում են, սակայն ամենաշատն ավելանում են ԱՄՆ ծովային հետևակի ցամաքային տեխնիկայի ծախսերը: Ընդհանուր առմամբ, մինչև 2009 թ. ԱՄՆ ծովային ավիացիայի ընդհանուր ծախսերը, ներառյալ նոր տեխնիկայի գնումը, ունեցածի շահագործումը և սպասարկումը, տարեկան կազմում էր շուրջ 35 մլրդ դոլար: