Ըստ HeadHunter-ի մարտի 7-14-ը կատարած ուսումնասիրությունները, որ հիմնված է կայքից օգտվող 4690 այցելուների հարցման արդյունքների վրա, կանանց և տղամարդկանց մեծ մասը (96%) նախընտրում է աշխատել տղամարդկանց կոլեկտիվում:
Կանանց կոլեկտիվում տղամարդկանց 81%-ն իրեն ավելի լավ է զգում, քան կանայք՝ 70%, գրում է Интерфакс-ը:
Ինչպես ցույց է տվել հարցումը՝ տղամարդիկ ավելի շատ նախընտրում են աշխատել կանանց կոլեկտիվում (49%), իսկ կանայք՝ տղամարդկանց (84%), քանի որ ավելի հեշտ են շփվում:
Բացի այդ, կանանց կոլեկտիվում աշխատող տղամարդկանց ամեն երրորդը (34%) նշում է, որ ինքը շրջապատված է ուշադրությամբ, և դա դրական ազդեցություն է գործում աշխատանքային պայմանների վրա: Սակայն տղամարդկանց կոլեկտիվում աշխատող կանանց միայն 9%-ն է իր վրա զգում տղամարդկանց ուշադրությունը, բացի այդ՝ նրանց 55%-ը նշում է, որ այդ դեպքում նվազում է նաև պաշտոնի բարձրացում ստանալու հավանականությունը, քանի որ առաջնությունը տրվում է տղամարդկանց, իսկ 36%-ը նշել է, որ տղամարդկանց հետ հնարավոր չէ սրտանց զրուցել և կիսվել խնդիրներով:
Հարցման արդյունքում նաև պարզվել է, որ կանանց 47%-ը հաճույքով կաշխատեր տղամարդկանց հետ, իսկ կանանց հետ հակառակը՝ ոչ մի դեպքում ՝ 52%:
Մինչդեռ տղամարդիկ հաճույքով կաշխատեին ինչպես կանանց՝ 32%, այնպես էլ տղամարդկանց՝ 38%, կոլեկտիվում:
