ԱՄՆ նախագահ Բարաք Օբամայի վարչակազմը հաղորդել է, որ պատրաստվում է շարունակել փորձերը՝ վերսկսելու համար Աֆղանստանի կառավարության և «Թալիբան»–ի հետ բանակցությունները, չնայած, որ թալիբներն այսօր հաղորդել են, որ այլևս հետաքրքրված չեն ԱՄՆ-ի հետ խաղաղության բանակցություններով:
Ինչպես գրում է Associated Press-ը, վարչակազմը նաև հաղորդել է, որ Աֆղանստանում ռազմավարությունը չի փոխվի, մինչդեռ նախագահ Համիդ Քարզայը պնդել էր, որ զորքերը հեռանան գյուղերից և մնան ռազմաբազաներում մինչ 2014 թ. երկրից ամբողջովին հեռանալը:
Աֆղան 16 քաղաքացիների սպանության պատճառով խաղաղության բանակցությունները դադարեցվել են: Այս ամենին նաև նպաստել էր ավելի վաղ ամերիկյան ռազմաբազայում Ղուրանների այրումը:
Սպիտակ տան մամլո քարտուղար Ջեյ Քարնին ասել է, որ Աֆղանստանի հակամարտության համար առավել հավանական լուծում չկա, քան քաղաքական լուծումը: