Մախաչկալայի «Անժի»-ի տնօրեն Ռոբերտո Կառլոսը հայտնեց, որ ակումբը մոտ ապագայում ցանկանում է գնել Մադրիդի «Ռեալ»-ի հարձակվող Քրիշտիանու Ռոնալդուի և կատալոնական «Բարսելոնա»-ի առաջատար Լեոնել Մեսսիի տրանսֆերները:
«Երբ նրանք ավարտեն ելույթներն իրենց ակումբներում և մոտենա իրենց ներկայիս թիմերի հետ ստորագրած պայմանագրերի ժամկետների ավարտը, «Անժի»-ի ղեկավարությունն ամեն ինչ կանի ձեռք բերելու այդ երկու ֆուտբոլիստների տրանսֆերները: Լիոնել Մեսսին աշխարհի լավագույն ֆուտբոլիստն է, իսկ Ռոնալդուն` «Ռեալ»-ի առաջատարը: Չէի ցանկանա նախապատվությունը տալ նրանցից որևէ մեկին»,- Կառլոսին մեջբերում է A Bola-ն:
Հիշեցնենք, որ Մեսսիի պայմանագրի ժամկետը կատալոնական ակումբի հետ կլրանա 2016 թվականին, իսկ Ռոնալդուն «Ռեալ»-ում կխաղա մինչև 2015 թվականը:
Նշենք, որ Լա Լիգայի ընթացիկ մրցաշրջանում Ռոնալդուն ու Մեսսին խփել են համապատասխանաբար 32 և 30 գնդակ:
