Մարինա Վլադին, որը դժգոհ է մնացել «Վիսոցկի. շնորհակալություն, որ ողջ ես» ֆիլմից, կժամանի Սանկտ Պետերբուրգ` թատերական ներկայացմամբ պատմելու հանդիսատեսին իր ամուսնու մասին ամբողջ ճշմարտությունը:
«Հնարավոր է` նրա կտրուկությունը, բացությունն ու մեղադրանքը կհնչեն ինչ-որ առումով ուշացած»,- բացատրում են կազմակերպիչները` հավելելով, թե Մարինան երկար ժամանակ է լռել, և նրան խոսել ստիպել է ֆիլմը, որը, Վլադիի կարծիքով, վարկաբերկում է անունն ու հիշողությունը մեծագույն երաժշտի ու սիրված արտիստի:
«Մարինա Վլադին չի վախենում սկանդալից, քանի որ նա ցանկանում է հանդիսատեսին հասցնել իր կարծիքը: Առաջին անգամ նա բացահայտ կպատմի այն մասին՝ ինչ թաքցրել է այսքան տարի»:
Դերասանուհին հավելում է, որ ցանկանում է միանգամից պատասխանել բոլոր հարցերին, իսկ դրանք Վիսոցկու մասին փետրվարյան ցուցադրությունից հետո քիչ չեն:
Մարինա Վլադին հանդես կգա մոնոներկայացմամբ: Գիրքը, որի հիման վրա այն բեմադրվել է, 1980-ականներին ցնցել էր իր անկեղծությամբ:
