Թուրքական Anadolu գործակալության փոխանցմամբ՝ Ադրբեջան այցելած Թուրքիայի փոխվարչապետ Բեքիր Բոզդաղը հայտարարել է, թե Լեռնային Ղարաբաղը «թուրք-ադրբեջանա-մուսուլմանական» տարածք է.
«Լեռնային Ղարաբաղի հակամարտությունը Թուրքիայի խնդիրն է: Լեռնային Ղարաբաղը հանդիսանում է ադրբեջանցիների-մուսուլման թյուրքերի խնդիրը: Հայաստանը գրավել է ադրբեջանական տարածքները, որոնց հետ վերադարձման հարցում Թուրքիան լիովին աջակցում է Ադրբեջանին:
Հայ-թուրքական հարաբերությունների կարգավորումը կախված է հայ-ադրբեջանական հարաբերությունների կարգավորումից ու գրաված շրջաններից հայկական զորքերի դուրսբերումից: Թուրքիան շարունակում է ջանքեր գործադրել տվյալ ուղղությամբ: Մենք ցանկանում ենք խաղաղ ճանապարհով Ղարաբաղյան հակամարտության շուտափույթ կարգավորում»:
