Հավանաբար, շատերն են հիշում, թե ինչ փառապանծ խոստումներ էին տալիս
տեղական և միջազգային որոշ գործիչներ ՀՀ Ընտրական օրենսգրքի փոփոխութունների ժողովրդավարական քննարկումներ անցկացնելու մասին:
Սակայն արդեն երկրորդ ամիսն է՝ չենք կարողանում տեղեկատվություն
ստանալ Ընտրական օրենսդրության նոյեմբերյան համաժողովին մեր համապատասխան
առաջարկությունները չընդգրկելու մասին: Խտրականություն, որն առաջին անգամ չի
կիրառվում:
Ի դեպ, համաժողովի տպավորիչ բազմաքանակ կազմակերպիչներից ոչ մեկը չի
կարողանում անգամ տեղեկատվություն տալ համաժողովի մասնակիցների մասին:
Այսինքն՝ այդ միակ, այն էլ` անկազմակերպ միջոցառման նպատակը միայն տպավորություն ստեղծելն էր և ուրիշ ոչինչ:
Պատահական չէ, որ խոստացած «ժողովրդավարական» քննարկումներն այսօր վեր են ածվել ՀՀԿ-ական ծածկադմփոցի ԱԺ պետաիրավական հանձնաժողովում, ինչը և սպասելի էր. ընտրախախտներն այլ կերպ չեն կարող գործել:
Այս պայմաններում ՀՀԿ-ական որոշ գործիչներ դեռ փորձում են չհասկանալ այդ
քննարկումների բոյկոտումը հասարակական-քաղաքական սուբյեկտների կողմից:
Մեզ մնում է միայն դատապարտելայս , մեղմ ասած, անպատասխանտու դրսևորումները երկրի կարևորագույն օրենսգրքի քննարկման ուղղությամբ:
ՀՊԱԿ նախագահ Ռ.ԹՈՐՈՍՅԱՆ