Դեֆոլտի եզրին գտնվող Իսլանդիան ուսումնասիրում է ազգային արժույթից հրաժարվելու տարբերակը. երկրի ղեկավարությունը փորձում է այդկերպ լուծել ֆինանսական դժվարությունները:
Ինչպես հաղորդում է Bloomberg գործակալությունը, դրա համար Եվրամիություն մտնելուց հետո երկիրը պատրաստ է անցնել եվրոյի կամ մեկ այլ երկրի արժույթի: Այս մասին հայտարարել է Իսլանդիայի վարչապետ Յոհանա Սիգուրդարդոտտիրը:
Նա նշել է, որ ԵՄ-ին անդամակցությունը Իսլանդիային հնարավորություն կտա համագործակցել միության այլ երկրների հետ որպես ինքնիշխան պետություն, որը ձայնի իրավունք կունենա համագործակցության բոլոր ոլորտներում:
Իսլանդիան ԵՄ-ին անդամակցելու բանակցություններ է սկսել 2010 թ. հուլիսից: Այդ հարցի շուրջ հանրաքվե կանցկացվի 2013 թ. սկզբին: Իսլանդիայում անցկացված հարցման համաձայն՝ երկրի բնակչության միայն 26.3%-ն է պաշտպանում ԵՄ-ին անդամակցելու գաղափարը, դեմ է բնակչության 56.2%-ը:
