Մեծ Բրիտանիայի վարչապետ Դևիդ Քեմերոնին ստիպում են այցելել Կենտրոնական Ասիայի բռնապետին, որպես գործարքի մի մաս, որի նպատակն է երաշխավորել բրիտանական զինամթերքի վերադարձը երկիր, երբ բրիտանական զորքերը դուրս գան Աֆղանստանից:
Ինչպես գրում է Daily Mail-ը, դիվանագիտական աղբյուրները հայտնում են, որ Ղազախստանի նախագահ Նուրսուլթան Նազարբաևը պահանջում է, որ Բրիտանիայի վարչապետն այցելի իրեն, որպես նախապայման, որպեսզի ինքը թույլ տա, որ Բրիտանիայի ռազմական տեխնիկան անցկացնեն իր երկրի միջով:
Աղբյուրներն ասում են, որ Քեմերոնը ստիպված է այդ այցը կատարել, որը բրիտանացի դիվանագետները որակել են որպես «վարկաբեկիչ»:
Նազարբաևը նախորդ ամսվա վերջում հայտարարություն էր արել, որի մասին Քեմերոնն իմացել է միայն այժմ: Հայտարարության մեջ ասվել է, որ վարչապետ Դևիդ Քեմերոնի այցը շատ կարևոր է Ղազախստանի համար:
Քեմերոնը բարկացել է, քանի որ չնայած այցի մասին քննարկումներ եղել են, բայց համաձայնություն դեռևս չի եղել:
Ցանկացած պաշտոնական այց այժմ մեծ դիվանագիտական խնդիրներ կառաջացնի, քանի որ 71-ամյա ղեկավարը մեղադրվում է մարդու իրավունքների խախտումների մեջ, և Քեմերոնին կքննադատեն, եթե նա այդ մասին չխոսի։
